На тэрыторыі Мядзельскага раёна стартаваў трохдзённы вучэбны збор курсантаў Універсітэта грамадзянскай абароны МНС, мэтай якога з’яўляецца прафілактычная работа ў жыллёвым фондзе па папярэджанні пажараў і гібелі людзей. У мерапрыемстве прымаюць удзел больш за 60 прадстаўнікоў універсітэта і Мінскага абласнога ўпраўлення па надзвычайных сітуацыях.
На працягу двух дзён прафесарска-выкладчыцкі склад кафедраў спецыяльных дысцыплін УГА сумесна з супрацоўнікамі МНС адпрацуюць з курсантамі практычныя навыкі правядзення прафілактычнай работы ў жылым сектары ў рэальных умовах. Удзельнікі збору правядуць абследаванні прыватных дамоў, нагадаюць жыхарам правілы бяспекі і распавядуць, як забяспечыць супрацьпажарную бяспеку жылля. Асаблівая ўвага будзе нададзена стану пячнога ацяплення, электраправодкі і электраабсталявання.
У ходзе работы супрацоўнікі МНС растлумачаць правілы бяспечных паводзін, дадуць рэкамендацыі па недапушчэнні пажараў і траўматызму, а таксама раздадуць жыхарам наглядную прадукцыю прафілактычнага характару. Акрамя таго, у дамах грамадзян будуць устаноўлены пажарныя апавяшчальнікі.
Як сведчыць статыстыка, з пачатку 2024 года ў Мядзельскім раёне зафіксаваны 4 пажары, выпадкаў гібелі людзей не было. У 2023 годзе за аналагічны перыяд адбылося 7 пажараў, загінулі 2 чалавекі.
Па выніках збору, які завершыцца 23 лютага, будуць падведзены вынікі работы, прааналізаваны вынікі праведзеных прафілактычных мерапрыемстваў і выпрацаваны далейшыя крокі па ўзмацненні пажарнай бяспекі ў рэгіёне.
