Упершыню ў сценах Універсітэта грамадзянскай абароны адбылося творчая мерапрыемства «Гасцёўня мовазнаўства», арганізаванае кафедрай сучасных моў. Мэта гэтага культурнага праекта — фарміраванне і развіццё духоўных і маральных каштоўнасцей, падтрымка нацыянальных традыцый і папулярызацыя беларускай мовы ў гармоніі з іншымі сучаснымі мовамі.
На імпрэзе сабраліся маладыя беларускія паэты з філалагічнага факультэта БДУ і курсанты Універсітэта грамадзянскай абароны, якія валодаюць мастацкімі талентамі. У праграме гучалі вершы і песні на мовах розных народаў, а асаблівую атмасферу стварылі беларускія народныя і аўтарскія кампазіцыі, выкананыя пад музычнае суправаджэнне курсантаў.
Цёплыя эмоцыі і непаўторнае пачуццё гармоніі суправаджалі гэты восеньскі лістападаўскі вечар. Госці адзначылі, што не хацелася разыходзіцца, і выказалі надзею на правядзенне новых літаратурна-музычных сустрэч. Такія мерапрыемствы ўмацоўваюць духоўнае адзінства, падтрымліваюць культурныя традыцыі і пашыраюць цікавасць да беларускай мовы.
«Гасцёўня мовазнаўства» стала прыкладам таго, як творчасць можа гарманічна аб’яднаць моладзь, даць імпульс да развіцця духоўнасці і патрыятызму.
