У Інстытуце прафесійнай адукацыі Універсітэта грамадзянскай абароны адбылося тэматычнае інфармаванне на беларускай мове «Сімвалы Беларусі: ад вытокаў да сучаснасці». Мерапрыемства было прысвечана гісторыі і значэнню дзяржаўных і нацыянальных сімвалаў Беларусі, іх ролі ва ўмацаванні адзінства народа і захаванні пераемнасці пакаленняў.
Асаблівая ўвага была нададзена дзяржаўнай сімволіцы. Слухачы абмеркавалі значэнне колераў Дзяржаўнага сцяга, элементаў Дзяржаўнага герба, а таксама традыцыю выканання і праслухоўвання Дзяржаўнага гімна стоячы.
У інтэрактыўнай форме прайшла віктарына, прысвечаная нацыянальным сімвалам Беларусі. Удзельнікі праверылі свае веды і замацавалі атрыманую інфармацыю.
Мерапрыемства дазволіла слухачам пашырыць уяўленне пра гістарычнае і культурнае значэнне сімвалаў Беларусі, іх ролю ў захаванні нацыянальных традыцый і адзінства народа.