Университет
Структура
Деятельность
Услуги
Контакты
Абитуриенту
Чалавек супраць стыхіі агню: гісторыя і сучаснасць / «Звязда»
05.08.2026

Чалавек супраць стыхіі агню: гісторыя і сучаснасць / «Звязда»

Пра тое, калі з’явілася прафесія пажарнага і якая яна ў наш час, можна даведацца адначасова з дзвюх розных крыніц. У мінскім музеі пажарнай і аварыйна-ратавальнай справы МНС Рэспублікі Беларусь пачала працаваць цікавая выстаўка «Пажарная ахова праз прызму філатэліі».

Вялікую калекцыю рэдкіх паштовак, марак, канвертаў з розных часоў і краін прадставіў вядомы філатэліст, ветэран пажарнай справы Уладзіслаў Агаркаў. Гэты ўнікальны збор налічвае мноства экспанатаў, у тым ліку і тых, якія накіроўваюць гледача да гісторыі Беларусі. Філатэлістычныя рарытэты расказваюць пра гераізм людзей, якія прысвяцілі сябе справе нашай бяспекі перад вогненнай стыхіяй. Калекцыя адлюстроўвае не толькі тэхнічны прагрэс, але і тое, як грамадства ставіцца да прафесій пажарнага і ратавальніка.

Філатэлістычная выстаўка ў суседстве з сучасным мультымедыйным музейным абсталяваннем, экспанатамі з QR-кодамі цікавіць самых розных наведвальнікаў. На двух паверхах старажытнага будынка разгорнута багатая экспазіцыя, з якой можна даведацца пра падзеі даўніны, убачыць рыштунак, рэчы, дакументы з мінулага. 

Пра музейную прастору і размешчаную ў ёй філатэлістычную калекцыю расказвае гэты фотарэпартаж.

Яўген ПЯСЕЦКІ